MARHATA SINAMOT

 

 

PANGkATAION DI MARHATA SINAMOT

Parboru                : Boha di hamu pamoruon nami, nunga boi mulaonta pangkataion

Paranak                : Mauliate di hamu Raja ni Hula-hula nami, ba nungabe boi tamulai pangkataionta

Parboru                : Dihita na mardongan tubu, di boru nami, bere /ibebere, pariban dongan sahuta,

Ale-ale Raja nanidokkon, Tarlumobi di hamu Rajani Hula-hula nami-Tulang nami, ala      naeng Mulaonta na ma pangkataion dohot Rajani boru nami, asa dengganma hita marsitangi-  tangian. Nuaeng pe hupasahat hami ma  tu hamu pamoruon nami.

Paranak               : Dihita namardonganTubu, borunami, bere ibebere, dongan sahuta, ale-ale, Raja nanidokkon, Tarlumobi di hamu Hula-hula nami, Tulangnami, ala naeng mulaonta ma pangkataion dohot Hula-hula nami– Raja…………….. asa martangi-tangian ma hita, jala molo adong pangkataion nami na lobi hurang dohot Rajani Hula-hula nai asa tiroi hamu hami. Mauliate ma

Parboru               : Mangkatai ma hita Rajani boru, Binsar mataniari, Poltak matani bulan, Ala naeng mulaonta ma mangkatai, pasahat hamu ma pingan panungkunan

Paranak               : Mauliate ma di hamu Hula-hula nami, nuaeng pe di boru nami asa pasahat hamu pinggan pasuon Tu Hula-hulanta

Parboru               : Mangkatai ma hita Raja ni boru, ba nungnga dison dipasahat hamu pinggan sitio soara. Nahot di hundulanna, sai tioma attong parnidaanta tu jolomuon. Jala sai hotma pasu-pasu sian amanta Debata.

                                   Adong dison parbuesakti siribur-ribur, parbue si per ni tondi, anggiatma antong sakti madingin, sakti matogu, angka pomparanta, matorop maribur huhut matangkang manjuara. Peak diatasma na puran si hata bulung hasoholan ni Boru ni Raja basai sai rata ma antong di hita tu joloannon pasamotan dohot parhorason

                                   Laos adong do dison ringgit namarmata, ima nanicetak ni pamaranta, sipalas roha ni natorop   dohot amanta Raja. Sai martamba ma antong na dohot las ni roha dihita tujoloan non

                                Songoni muse peak di atasna juhut tango tango Nabolon, ima songon sombat ni hatanggoan, dohot tu hatoguon ni partuturonta dohot parrohaon na denggan di hita angka namarhula-hula marboru tu joloan non

                                Jadi Raja ni boru, parjolo ma husungkun hami, dihata ni sipanganon, nunga jagar hami, bosur hami mangan indahan nalas na binoan mu nai, jagar sagab hami manganthon juhut nataboi, jala sombu uas nami minum aek sitio-tio natinahu mu nai, songon ni dok ni umpasa ma dokhonon nami :

                                “Bagot namarhalto na tubu di robean

                                 Horas hami namanganton jala sai

 Martamba ma di hamu namangalean”

Jala nuaeng pe Raja ni Boru

Diama langkatna, diama unakna

Diama hatana, diama na ni dok na. Botima.

Paranak                : Gabema jala horas Raja nami ! Taringot di sipanganon na sinungkun munai.

Sititima si ompa, golang-golang pangarahutna.

                                Tung sosadiape nuang na hupatupa hami, sai godang ma pinasuna

                                Sai manumpak ma kondi muna Rajanami, marhite-hite tangiang muna

                Dihami parboruan muna, asa sai lamtamba sinadongan di hami asa tarpatupa hami dope nian naungtabo sianon laho pasangap hon hamu hula-hula nami. jadi ianggo taringot di lapatanni sipanganon na sinungkun munai Rajanami. Ba panggobuan parhorasondo ni dok na, botima Rajanami.

Parboru                : Gabe matutu jala horas Rajani Boru, sai sahatma hata nauli hata nadengan na ni dok munai, tumpahon ni Amanta Debata, sai dapotma nai songon hatana umpasa :

                                “ Bona ni aek puli di dolok ni sitapongan

                                Sai tubu ma dihamu angka nauli

                                Jala sai lamtambama parsamotan”

                                                Alai Raja ni Boru, sai marangkup do nauli, sai mardongan do nadenggan, jadi tung tangkasma paboa hamu di haroromuna tu bagas ta on.

                                Ranting ni bulu duri jait masi jaotan

                                Siangkup nihata nauli, diama nuaeng si taringotan

                                Botima Raja ni Boru.

Paranak                : Olo Rajanami, tohodo na ni dok munai, sai marangkup do nauli sai mardongan nadenggan, nuaeng pe paboa on nami ma siangkupna songon na hundul, sidonganna songon na mardalan.

                                Jadi songonon do Rajanami, narodo alu-alu ni anak nami tu hami, songonon diluahon pat na ibana muna tu hutaon, huhutma huroho jou-jou dohot hirap-hirap ni rupa nauli dohot parulaan na denggan, ni boru nagabe boru nauli bulung hula-hula nami di hutaon.

                                Jala nunga rap taudurhon nangkin tu gareja, di napatumpalhon janji nasida diadopan ni Debata, marhite-hite naposona di nanaeng pajongjongkon ripe naimbaru nasida.

                                                Pitu malilina panalu jugianna

                                                Nauli ma nipina ai dijangkon borumu na do ibana

                                Nuaeng raja nami, jangkon hamuma anak nami I gabe anak muna nian anggo ala ni sibahenon do da  nabarani hami mandapothon hamu, ai tung soadong do na boi hu pangasahon hami.

                                Alai songonipe Rajanami, ianggo somba ni uhum do sai bahenon nami do olat ni natarpatupa hami, jala pasdo rohanami di hamu dang ampehonon muna tu hami naso tarusung hami angkup ni I naung boru muna bisu do hami. Jadi ndada huling huling ni langkophon be hami tu hamu, imbulu sinuathon hami tu hamu, botima Raja nami.

Parboru                :  Olo Raja ni Boru, las do roha nami hu bege hata mu nai. Hami pe antong di pangido rohanami do asa sai domu na marrokkap, sirang naso marokkap, taringot dibere nami nungga las roha nami disi.  Yanggo taringot ni nanaeng  sisombahon munna Tuhami ondo dohonon nami.

 

                                                Dangtuktuhan Batu dekdehan simbora

                                                Dang tuturan Datu ajaran namar roha

Namalo dohamu, jala sigodang boto-botoan, Raja nabisuk do hamu ompuni parbinotoan. Nang didok hamu  dang adong sipangasahonon mu , bangkonadoi di uhum sidahonon ai takkas do tinanda hamu dang sipaidua hamu di sinadongan

Ai pat ni gaja do tu patni hora

Anak ni raja do hamu, Pahompunni namora

Jadi ompe raja ni boru, goari ma sian I as alas roha nami

Piga horbo asa pitor sinuru mamboan tu son

Piga lombu asa pitor pinamasuk tu bara

Piga hoda piga rantiti mas, dohot sadia godang ringgit

Asa pintor pina masuk tu rumbiana di pangarimbuanna. Botima raja ni Boru

Paranak                : Raja nami. Marsomba ujung hami, marsomba huhuasi tu tua  dohot tu sahalamu, tutudo Raja nami ianggo alani  sangab muna dohot balga ni partubu muna na patut do hami manjalo angka na ginoaran muna

Jala tutudo na didok muna I taringot tu hamoraon ni opun ta, torrop hian do tutu pinahan ni opun tan a jolo I. Alai nungga habis sude dung masuk Jepang i. Jadi dang na tarhataon be raja nami jala molo boi nian pangido nami hami panguruhon muna ala nungga be sude hu hepenghon hami pangidoan mu nai raja nami. Basa hali manddok ma hami di somba ni huhum si pasahat ton nami tu hamu.

Ia ulaon na naeng si patupaon ta taruhon jual paranak bolahan amak. Alai raja nami mandorang so hu dok nami do pe tu hamu pandorang so hu dokkon hami tu hamu parjolo ma hami mangido panutturion sian hami na mardongan tubu, boru, bere, ibebere, pariban, dongan sahuta. Tarlumobi ma hula-hula nami dohot tulang nami

Parboru                : Andorang sohualusi hami hamu Rajanani Boru, jo lo parjoloma hamu manjalo panuturion tu dongan tubu, boru, bere/ibebere, dongan sahuta, tarlumobi tu Hula-hula nami dohot Tulang nami.

                                                Nuaeng pe dihita namardongan tubu, boru nami, bere/ibebere, dongan sahuta, ale-ale tarlumobi tu hamu Hula-hula nami Tulang nami.

                                Nunga tangkas pangidoan ni pamoruon nami di pangidoan nasida ala si sahali mangelekkon nasida di somba ni uhum nanaeng sipasathon na tu hami, Alana  mangido panuturion hami parjoloma tu hita na mardongan tubu, boru, bere/ibebere, dongan sahuta, nang tu Hula-hula, dohot tulang nami.

                                                Nuaeng pe nunga dituturi dongan tubu nami, boru nami, nang Hula-hula Tulang nami laos nunga sada pandapot nami alani hatahon hamu ma Rajani Boru.

Paranak                : Mauliate ma Raja nami, nunga be sada alus nami dohot Hula-hula Tulang nami, jala nunga hutangkasi hami Bonani Hasuhuton nami songon somba ni uhum nanaeng sipasahathon nami godang na Rp.20.000.000 (Taruhon jual paranak ulaon)

Parboru                : Mauliate ma, hujalo hamima I, nuaeng pe Sadihari  ma pasahathon muna sinamot ni Boru nami

Paranak                : Ido tutu Raja nami, ditingkion ma pasahathon hami patujolo ni sinamot godangna Rp.19.000.000, dimata ni ulaon ma di pesta unjuk gohan nami ma Rp.1.000.000 nai.

Parboru                : Mauliate ma di hamu pamoruon nami, nunga hujalo hami songon patujolo ni sinamot, alai pangidoan nami ingkon do tandaon ni hela nami  do sude sisolhot na.

Paranak                : Ido tutu Rajanami ingkon do sude hamu tandahon nami, tarlumobi ma Hela muna

Parboru                : Nuaeng pe Rajani Boru, molo tung adong si pangidoan muna sian hami tangkasma paboa hamu tu hami

Paranak                : Ido tutu Raja nami,  dipangido rohanami do nian

 

Ingkon ulosan muna nian hami na marhahamaranggi tarlumobi ma di hela dohot boru mu na

Nang songon I akka si solhot dohot iboto nami bo I ma I uloson nami dohot ulos tinonun sadari.

Botima raja nami

 

 

NA PORLU SIHATAAN DI TINGKI MARHATASINAMOT

1.       Somba uhum (Sinamot) godangna ……………….. Rp………………..(Rambu pinudun)

2.       BentukPartonding ni ulaon

                                - Taruhon Jual ( Paranak ulaon )

              - Ulaon Sadari ( Paulak Une )

3.       Bohuni sinamot ( Patujoloni Sinamot) …………………. Rp………………

Panggohina Rp………… dipasahat di tingki unuk (matani ulaon)

4.       Panandaion tu parboru godang na ……….. Amplop

5.       Ulos herbang tu paranak godang na …………………..

6.       Parjambaran di halaman tu pihak parboru dohot ulos tinahon sadari/ragi-ragi tu pihak paranak martukar amplop

7.       Ritin marangkup tu tulang ni na mangoli :

2 Sian paranak tamba 1 sian parboru, jala rap udur ma pasahatton

8.       Martumpol :

Ari/Tanggal         :………

Tingki    : Pukul …………

Inganan                : ……………

9.        Marhatasinamot

-          Inganan …….

-          Undangan Paranak …………… KK

-          Undangan Parboru …………….KK

-          Tutudu ni sipanganon dohot dekke di pasahat di tikki namarhata sinamot

-          Mardalan do denggan panukkunan

-          Godang ni sinamot (Sisahali mangelekkon, alai jolo mangalap hata tu akka na di undangna, dohot hattoan na)

a.       Sada hata ma dongan tubu, boru, bere ibebere, pariban, dongan sahuta

b.      Sada hata ma sian hula-hula Tulang

10.   Pamasu-masuhon           :

Hari/Tanggal       : …………

Waktu                   : Pukul …………..

Inganan                                : …………………….

 

11.   Unjuk Adat         :

Undangan paranak          : …………. KK + Parboru ………… KK = ………….. KK

12.   Undangan masi cetak undangan na be

13.   Marsibuha-buhai pukul ……. Di jabu ni Parboru …………. KK, Paranak ……………. KK = ……………

14.   Tudu-tudu ni sipanganon di bagi parboru

15.   Parjambaran dibagi waktu mangan ( Jambar Mangihut)

16.   Ulu ni dekke mulak Jambar mulak tu paranak

Parsanggulan, Parhambirang + Soit 2 + Somba-somba ½ + Aliang-aliang ½

17.   Dekke na ro di pasahat tu pihak paranak

18.    Jambar hepeng tu parsiuk di idi pihak paranak. Jala langsung ma dilehon tikki majalo dengke

19.    Ingot-ingot di tikki marhata sinamot sian paranak dohot parboru

20.   Olop-olop dung dai unjuk sian paranak dohot parboru

21.   Mangurus tu gereja pihak bilahan amak

22.   Ulos taripar (Ulos tambahan diluar naung di hata’i)

23.   Bunga, mobil pengantin diurus pihak paranak

24.   Catatan Sipil sian Paranak

25.   Tingki laho martuphol/marhata sinamot paranak mangalap Calon Pengantin

26.   Manjalo boras